काठमाडौँ । सिद्धार्थ बैंक नेपाल प्रिमियर लिग (एनपिएल) अन्तर्गत आफ्नो पहिलो खेलमा लुम्बिनी लायन्सले उच्च स्कोर खडा गरेको छ ।
कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ गरेको लुम्बिनीले निर्धारित २० ओभरको खेलमा ७ विकेट गुमाएर १९१ रन बनायो । जुन, हालसम्मकै सर्वाधिक लक्ष्य हो । यसअघि सुदुरपश्चि रोयल्सले विराटनगर किंग्सविरुद्ध नै १८३ रन बनाएको थियो ।
लुम्बिनीका लागि कप्तान रोहित पोडेलले सर्वाधिक ४६ रन बनाए । उनले २९ बलमा ४ चौका र २ छक्का प्रहार गरे । टोम मुर्सले ३० रन जोड्दाआशुतोष घिरैयाले १५, अर्जुन साउदले १७, सन्दीप जोराले १२ तथा साद विन जाफरले १५ रन जोड्दा विवेक यादव १९ रनमा नट आउट रहे ।
विराटनगरका लागि इस्मात आलम, कप्तान सन्दीप लामिछाने र राजेश पुलामी मगरले समान १ विकेट लिए । विराटनगरले लुम्बिनीका ४ खेलाडीलाई रन आउट गरे।
