काठमाडौँ । इंग्लिस प्रिमियर लिग फुटबलमा आर्सनलले सानदार जित निकालेको छ ।
गएराति भएको खेलमा आर्सनलले वेस्टहाम युनाइटेडलाई उसकै घरेलु मैदानमा ५–२ गोलले पराजित गरेको हो । योसँगै आर्सनल अंकतालिकाको दोस्रो स्थानमा उक्लिएको छ ।
लण्डन स्टेडियममा सबै सातै गोल पहिलो हाफमा नै सम्भव भएको थियो ।
खेलको १० औं मिनेटमा नै आर्सनलले गाब्रियलको गोलबाट अग्रता लिएको थियो । २७ औं मिनेटमा लियान्ड्रो ट्रोसार्डले ३४ औं मिनेटमा मार्टिन ओडेगार्डले (पेनाल्टी), ३६ औं मिनेटमा काई हाभेट्र्जले र ४५+५ औं मिनेटमा बुकायो साकाले(पेनाल्टी) गोल गरे ।
यता, ३८ औं मिनेटमा आरोन बिसाकाले र ४० औं मिनेटमा इमर्सन पाल्मिएरीले गरेको गोल वेस्टहामका लागि सान्त्वना गोल भयो । आर्सनलको १३ खेलबाट २५ अंक छ । वेस्टहाम १५ अंकका साथ १४ औं स्थानमा छ ।
