काठमाडौं । भारी वर्षाका कारण मकवानपुरको कुलेखानी जलविद्युत आयोजनाको ड्यामको तटीय क्षेत्र डुबानको जोखिममा परेको छ ।
नेपाल विद्युत प्राधिरकण कुलेखानी प्रथम जलविद्युत केन्द्रले जिल्ला प्रशासन कार्यालय मकवानपुरलाई पत्राचार गर्दै ड्यामको तटीय क्षेत्र डुबानको जोखिममा रहेको जनाएको हो ।
यस्तै वर्षा थप ५ देखि ७ घण्टा रहिरहे ड्यामको ढोका खोल्नुपर्ने अवस्था आउने प्राधिरकणले जनाएको छ । ड्यामको ढोका खोलेको अवस्थामा तटीय क्षेत्र कुनै पनि समयमा डुवानमा पर्ने भन्दै स्थानीयलाई सतर्कता अपनाउन केन्द्रका प्रमुख तारादत्त भट्टले प्रमुख जिल्ला अधिकारीलाई पत्राचार गरेका हुन् ।
‘अहिले भइरहेको अविरल वर्षाको कारण यस कुलेखानी जलविद्युत केन्द्रको ड्याममा पानीको सहत बढी हुन सक्नुका साथै चखेल, सिम, मुख्य ड्यामको ढोका खोल्न पर्न सक्ने हुनाले बागमती खोलाको बहान बढन् गई तटीय क्षेत्रमा कुनै पनि समयमा डुवानमा पर्ने सम्भावना रहेको व्यहोरा जानकारी गराउँदै त्यस क्षेत्रका स्थानीयलाई समयमै सुरक्षित रहन तथा उच्च सतर्कता अपनानउ आवश्यक जानकारी गराइदिन अनुरोध छ’, केन्द्रले पत्राचारमा भनेको छ ।
तस्बिर : अञ्जली थापा/रासस
