काठमाडौँ । अखिल नेपाल फुटबल संघ (एन्फा)ले नेपाली राष्ट्रिय पुरुष फुटबल टोलीका लागि प्रो–लाइसेन्स प्राप्त प्रशिक्षक नियुक्त प्रक्रिया अघि बढाउने भएको छ ।
एन्फाको कार्य समिति बैठकले यस्तो निर्णय गरेको हो । हाल प्रशिक्षक रहेका भिन्सेन्जो अल्बर्टो एनेसको सम्झौता थप नगर्ने निर्णय भएसँगै एन्फाले नयाँ प्रशिक्षक नियुक्त प्रकिया अघि बढाउने भएको हो ।
नेपालले आगामी मार्चमा मात्र आधिकारिक प्रतियोगिताका खेल खेल्ने कार्यक्रम छ । २०२५ को मार्चमा नेपालले एसियन कप छनोटका खेल खेल्दैछ । जसअनुसार मार्चअघि नेपालले नयाँ प्रो–लाइसेन्स प्राप्त प्रशिक्षक नियुक्त गरिसक्नु पर्नेछ ।
