काठमाडौं । मुस्ताङमा हिमपहिरोका कारण बोक्सिखोला थुनिएको छ ।
शुक्रबार दिउँसो हिँउको ढिस्को खस्दा थासाङ गाउँपालिका वडा नम्बर–२ स्थित कोबाङमा रहेको खोला थुनिएको हो ।
पहिरोका कारण बोक्सिखोलाको ८० प्रतिशत बहाव रोकिएको मुस्ताङका सहायक प्रमुख जिल्ला अधिकारी रामप्रसाद सुवेदीले जानकारी दिए ।
नदी रोकिएको स्थानभन्दा तल रहेका ९ घर परिवारलाई सुरक्षित स्थलमा सारिएको सहायक प्रमुख सुवेदीले बताए । उनले भने, ‘सम्भावित दुर्घटनाबारे हामीले सचेतना अपनाएका छौँ ।’
