काठमाडौं । शिक्षामन्त्री विद्या भट्टराईले त्रिभुवन विश्वविद्यालयमा सुरक्षा व्यवस्था मिलाउन गृहमन्त्री रमेश लेखकलाई पाँच दिनदेखि भन्दा पनि सुनुवाइ नभएको गुनासो गर्नुभएको छ ।
शिक्षामन्त्री भट्टराईले आज सामाजिक सञ्जालबाट विश्वविद्यालयका पदाधिकारीहरूमाथि केही दिनअघि हमलाको प्रयास र प्राध्यापकहरूलाई धम्की आएको भन्दै शिक्षामन्त्रीले गृहमन्त्रीसँग सुरक्षाको माग गरेको जानकारी दिनुभएको थियो । मन्त्री भट्टराईको भनाइलाई लिएर विभिन्न टिप्पणी आएपछि उहाँले पुन: त्यसबारे स्पष्टीकरण दिँदै गृहमन्त्रीसँग पाँच दिनदेखि समन्वय गर्दा पनि सुनुवाइ नभएको लेख्नुभएको छ ।
मन्त्री भट्टराईले सामाजिक सञ्जालमा लेख्नुभएको छ– ‘यहाँहरुले मलाइ आबस्यक सुझाव दिनु भएकोमा आभारि छु । मैले सार्बजनिक अपिल गर्नुपर्ने भएर नै गरेको हो कुनै आबेगमा आएर लेखेको होइन । मैले ५ दिन देखि लगातार सम्पर्क र समन्वय गरेको कुरा समेत जानकारि गराउन चाहन्छु ।’
शिक्षा मन्त्री भट्टराईले सामाजिक सञ्जालमा लगातार टिप्पणी गरेपछि गृहमन्त्री रमेश लेखकसँगको सम्बन्ध बिग्रिएको हुनसक्ने देखिन्छ ।
