एजेन्सी । गाउँमा रोजगारीको अवसर नहुँदा मानिसहरु सहरतिर पलायन भइरहेका छन् । तर यस्ता धेरै सहर छन्, जहाँ बस्न सजिलो छैन ।
वास्तवमा, यी शहरहरू यति महँगो छन् कि तपाईंले यहाँ कमाएको भन्दा बढी खर्च गर्नुहुनेछ ।
मर्सर सर्वेक्षण २०२४ को रिपोर्टमा विश्वका सबैभन्दा महँगो सहरको बारेमा जानकारी दिइएको छ ।
मर्सर सर्वेक्षण २०२४ को कस्ट अफ लिभिङको रिपोर्ट अनुसार विश्वको सबैभन्दा महँगो सहरको कुरा गर्दा हङकङ पहिलो नम्बरमा छ । यस्तै, सिंगापुर दोस्रो र जुरिच तेस्रो स्थानमा छ ।
यसैगरी, जेनेभा चौथो, बासेल पाँचौं, बर्न छैटौं, न्युयोर्क सातौं, लण्डन आठौं, नासाउ नवौं र लस एन्जलस दशौं स्थानमा छन् । विश्वका शीर्ष २० महँगो सहरमध्ये ७ अमेरिकाका मात्र छन् ।
