एजेन्सी । गत साता रिलिज भएको ‘कल्कि २८९८ एडी’ ले हालसम्म स्वदेशी तथा विदेशी बक्स अफिसमा राम्रो व्यापार गरेको छ ।
नाग अश्विनद्वारा निर्देशित यो फिल्म कुरुक्षेत्रको ६ हजार वर्षपछिको पोस्ट–अपोक्यालिप्टिक संसारमा आधारित छ ।
यस फिल्ममा प्रभास, अमिताभ बच्चन, कमल हसन, दीपिका पादुकोण, दिशा पटानी लगायतका कलाकारले महत्वपूर्ण भूमिका निर्वाह गरेका छन् । यस्तै, फिल्ममा विजय देवरकोन्डा, दुल्कर सलमान, मृणाल ठाकुर, एसएस राजामौली र राम गोपाल वर्मा सहित धेरै आश्चर्यजनक क्यामियोहरू छन् ।
यी सबैको बीचमा के तपाईलाई थाहा छ यि धेरै कलाकारहरु मध्ये एक जनाले शुल्क नलिई कल्कि २८९८ मा काम गरेका छन् ।
न्युज १८ को रिपोर्ट अनुसार विजय देवरकोन्डाले ‘कल्की २८९८ एडी’ मा काम गरेबापत एक पैसा पनि लिएका छैनन् । फिल्ममा उनको अर्जुनको रूपमा सानो तर यादगार क्यामियो छ, फिल्ममा अर्जुनको उपस्थितिले अश्वत्थामा (अमिताभ बच्चन)सँग भैरव (प्रभास) को विगतको सम्बन्धलाई बुझ्न महत्त्वपूर्ण भूमिका खेल्छ ।
‘कल्की २८९८ एडी’ मा अभिनेताको विशेष क्यामियोलाई फ्यानले निकै रुचाएका छन् । विजय यस पिरियड ड्रामामा पहिले कहिल्यै नदेखेको अवतारमा देखिएका छन् ।
