काठमाडौँ । टी–२० विश्वकप २०२४ को फाइनल वेस्ट इन्डिजको बार्बाडोसमा खेलिएको थियो । दक्षिण अफ्रिकालाई ७ रनले हराउँदै भारतले दोस्रो पटक टी–२० विश्वकपको उपाधि जितेको छ ।
कुनै बेला दक्षिण अफ्रिकाले खेलमा अग्रता लिएको थियो र भारतको हार लगभग निश्चित मानिएको थियो । दबाबमा बिग्रनुको सट्टा भारतले पुनरागमन गर्दै रोमाञ्चक जित दर्ता गरायो ।
रोहित शर्माले टस जितेर पहिले ब्याटिङ गर्ने निर्णय गरेका छन् । तर, एक समय यो निर्णय गलत देखियो । भारतले पहिलो पावरप्लेमा रोहित, ऋषभ पन्त र सूर्यकुमार यादवको विकेट गुमाएको थियो ।
यहाँबाट कोहली र अक्षर पटेलले भारतीय इनिङ्सलाई सुधार गर्दै १७६ रनको स्कोरमा पुर्याउन महत्वपूर्ण भूमिका खेलेका थिए । लक्ष्य पछ्याउने क्रममा दक्षिण अफ्रिकाको सुरुवात पनि खराब रह्यो । हेनरिक क्लासेन र क्विन्टन डी ककले खेललाई आफ्नो पक्षमा राखेको थियो ।
विश्वकपको इतिहासमा पहिलो पटक फाइनल खेलेको दक्षिण अफ्रिकामाथि निकै दबाब थियो । बलिङ गर्दा खेलाडीहरूमा यसको दबाब स्पष्ट देखिन्थ्यो ।
फाइनलको दबाबका कारण दक्षिण अफ्रिकाका ब्याट्सम्यानले गल्ती गरे र त्यसको फाइदा भारतले उठायो । ८.५ ओभरमा दक्षिण अफ्रिकाले ट्रिस्टन स्टब्सको विकेट गुमायो । उनले ‘सिल्ली शट’ खेलेर आफ्नो विकेट गुमाए । अक्षर पटेलले एकै टिमबाट आईपीएल खेल्ने (दिल्ली क्यापिटल्स)का स्टब्सलाई आउट पारे । स्टब्स २१ बलमा ३१ रन जोडेर पेभिलियन फर्किए ।
सुरुवाती विकेट गुमाएपछि क्विन्टन डी कक र हेनरिक क्लासेनले इनिङ्सलाई सम्हालेका थिए । पछि डेभिड मिलरले टोलीलाई जितको दौडमा पुर्याए ।
१५ ओभरमा दक्षिण अफ्रिकाको स्कोर १४७र४ थियो । अन्तिम ३० बलमा ३० रन आवश्यक थियो । हेनरिक क्लासेन आउट हुनेबित्तिकै टोली दबाबमा आयो र पराजित भयो । डेभिड मिलर क्रिजमा हुँदासम्म अफ्रिकाको आश जिवितै थियो । उनी ठूला शट खेलेर बललाई बाउन्ड्री पार गराउने खुबी राख्छन् । १९.१ ओभरमा हार्दिक पाण्ड्याले मिलरको विकेट लिए ।
मिलरले ठूलो शट खेलेर छक्का प्रहार गर्न चाहन्थे । बल बाउन्ड्री बाहिर जाने पनि देखिन्थ्यो । तर सूर्यकुमार यादवले उत्कृष्ट क्याच गर्दै मिलरलाई आउट पारे । मिलरको विकेट पतन नै दक्षिण अफ्रिकाको हार बन्यो । त्यसअघि १७ औं ओभरमा जसप्रित बुमराहले मार्को यानसेनको विकेट लिई दुई रनमात्रै दिएपछि पनि भारत खेलमा फर्किएको थियो ।
