एजेन्सी । भारतीय उद्योगपति मुकेश अम्बानीका कान्छा छोरा अनन्त अम्बानी राधिका मर्चेन्टसँग जुलाई १२ मा विवाह बन्धनमा बाँधिदैछन् । मुम्बईमा हुने यो भव्य समारोहमा परम्परा र भव्यताको मिश्रण देखिनेछ ।
विवाहको तयारीका बीचमा यो जोडीको विवाहको कार्ड सार्वजनिक भएको छ । भीभीआईलाई दिइने निमन्त्रणा पत्रमा चाँदीको मन्दिर छ । भित्र ४ वटा सुनको मुर्ति छ ।
दोस्रो निमन्त्रणा पत्र सुनौलो बक्समा छ । यसमा मन्दिरलाई सानो आकारमा बक्स भित्र राखिएको छ । यो पनि ईश्वरीय विषयवस्तुमा आधारित छ ।
अनन्त र राधिकाले यसअघि मार्चको सुरु र मेको अन्त्यमा प्रि–वेडिङ समारोह मनाएका थिए । अब जुलाई १२ शुभ विवाह, १३ जुलाईमा शुभ आशीर्वाद र १४ जुलाईमा स्वागत समारोह हुनेछ । यी तीन कार्यक्रम मुम्बईको जियो वर्ल्ड सेन्टरमा आयोजना हुनेछन् ।
