काठमाडौं । प्रहरी परिसर काठमाडौंका प्रमुख प्रहरी वरिष्ठ उपरिक्षक (एसएसपी) बसन्त रजौरेले काठमाडौं परिसर मातहतको प्रहरी वृत्त नयाँबानेश्वरमा आकस्मिक निरीक्षण गरेका छन् । रजौरे गत वैशाख १४ गते काठमाडौं प्रहरी प्रमुख भएका थिए ।
प्रहरी वृत्त नयाँबानेश्वरले पछिल्लो समयमा सकृय रुपमा सम्पादन गरेका कृयाकलापबारे स्थलगत रुपमा बुझ्न एसएसपी रजौरे आकस्मिक निरीक्षण गर्न वृत्तमा छिरेका थिए । एसएसपी रजौरेलाई प्रहरी वृत्त नयाँबानेश्वरका प्रमुख प्रहरी नायव उपरीक्षक (डीएसपी) शिवराज बुढाथोकीले वृत्तले सम्पादन गर्दै आएका काम कारवाहीबारे जानकारी गराएका थिए ।
निरीक्षकका क्रममा एसएसपी रजौरेले वृत्तको कार्यालय भवन, प्रहरी बस्ने ब्यारेकको साथै थुनुवाहरु राख्ने हिरासत कक्ष र विभिन्न शाखाको स्थलगत निरीक्षण गरेका थिए । प्रहरी वृत्त नयाँबानेश्वरले काठमाडौं महानगरपालिकाको १०, ३१ र ३२ वडाको साथै कागेश्वरी मनोहरा नगरपालिकाको ७, ८ र ९ वडाको सुरक्षा अवस्था हेर्ने गर्छ ।
