गोरखाः राष्ट्रिय एकता दिवस तथा पृथ्वी जयन्तीको अवसर पारेर नेपाली सेनाले गोरखा–काठमाडौं एकीकरण मार्गमा पदयात्रा सुरु गरेको छ।
गोरखा दरबार परिसरबाट सुरु भएको एकीकरण यात्रा पुस २७ गते हनुमान ढोकामा आयोजना हुने राष्ट्रिय एकता दिवस तथा पृथ्वी जयन्ती कार्यक्रममा सहभागी भएपछि समापन हुनेछ ।
सह सेनानी दलबहादुर थापाको नेतृत्वमा नेपाली सेनाको ४० जनाको टोलीलाई गोरखाबाट मंगलबार बिहान बिदाई गरिएको छ ।
नेपालको राष्ट्रिय झण्डा, सैनिक झण्डा, टर्च सहित गोरखा दरबारको हनुमान भञ्ज्याङबाट हिँडेको टोली गोरखा दरबार–जोर चौतारी–ताप्ले–अश्राङ–बोर्लाङ–बोर्लाङघाट (घाटबेसी) सम्म पुगेर धादिङको सल्यान्टारमा रहेको देवीदत्त गणलाई टोलीलाई झण्डा, टर्च हस्तान्तरण गर्नेछ।
सल्यान्टारमा रहेको देवीदत्त गणले नुवाकोटको जवरजंग गणलाई ती सामग्री हस्तान्तरण गर्नेछ ।
यात्रामा सहभागीहरुलाई प्रमुख जिल्ला अधिकारी तिर्थराज भट्टराई गोरखा नगरपालिकाका प्रमुख राजनराज पन्त, पश्चिम पृतनापति उपरथी बिनय विक्रम राणा लगायतले बिदाई गर्नुभएको थियो ।
यात्रामा रणसिंह दल गण, शार्दुलजंग गुल्मसँगै नेपाली सेनाको पाँच प्रथम कम्पनी श्रीनाथ, कालिबक्स, पुरानो गोरखा, बर्दबहादुर र सबुजको टोली सहभागी रहेको रणसिंह दल गण छ ।
गोरखा नगरपालिका र भिमसेन थापा गाउँपालिका भएर गोरखा–काठमाडौं एकीरण पदमार्ग धादिङको सल्यान्टार जोडिने छ।
