काठमाडौँ । राष्ट्रिय स्वतन्त्र पार्टी (रास्वपा)का सांसदहरूले नेपाली राष्ट्रिय क्रिकेटको समर्थन गर्न प्रतिनिधि सभाको बैठकमा टोलीको जर्सी लगाएर सहभागी भएका छन् ।
आजको बैठकमा सांसदहरू टी–२० विश्वकप खेल्न अमेरिका पुगेको नेपाली टीमको समर्थनमा जर्सी लगाएर बैठकमा सहभागी भएका हुन् ।
बैठक प्रवेश गर्नुअघि उनीहरूले सामूहिक फोटो समेत खिचाए ।
नेपालले १० वर्षपछि टी–२० विश्वकप खेल्दैछ । आज नेदरल्यान्ड्ससँग खेल्दै नेपालले विश्वकपको सुरुवात गर्दैछ । समूह ‘डी’मा नेपाल र नेदरल्यान्ड्ससँगै दक्षिण अफ्रिका, श्रीलंका र बंगलादेश रहेका छन् ।
