काठमाडौँ । प्रमुख प्रतिपक्ष दल नेपाली कांग्रेसले तयारीका लागि केही समय मागेपछि प्रतिनिधिसभाको बैठक बस्न ढिलाइ भएको छ।
प्रतिपक्षी दलले केही समय माग गरेकाले प्रतिनिधिसभा बैठक बस्न ढिलाई भएको सभामुखका प्रेस सल्लाहाकार शेखर अधिकारीले जानकारी दिए । शुक्रबार बिहान ११ बजे बस्ने गरि बैठक बोलाइएको थियो ।
आजको बैठकअघि कांग्रेसले अन्य विपक्षी दलहरुसँग पनि छलफल गरिरहेको छ ।
बिहिबार बसेको प्रतिनिधिसभा बैठकमा तनाव उत्पन्न भएपछि आजसम्मका लागि स्थगित गरिएको थियो ।
