काठमाडौं । नेपाल हज समितिले हजयात्रीका लागि तय गरेको शुल्क अस्वाभाविक भएको भन्दै सरोकारवालाहरुले असन्तुष्टि जनाएका छन् ।
यसअघि कार्यवाहक अध्यक्ष मकबुल मियाँले साउदी अरबमा गइ घरभाडा लगायतका विषयमा सम्झौता गरेका थिए । उनले प्रतिव्यक्ति रु. ४ लाख ३३३ मा सम्झौता गरेर आएका थिए । तर भुटानी शरणार्थी प्रकरणमा थुनामा रहेका र पछि थुनामुक्त भै अध्यक्षको जिम्मेवारी पुन: सम्हालेका शम्शेर मियाँले प्रतिव्यक्ति झण्डै १५ हजार बढी उठाउन थालेका छन् अर्थात् अहिले नयाँ रेट रु. ४ लाख १५ हजार तोकेर रकम असुल्न थालिएको छ । साउदीमा १२ सय देखि १३ सय रियालमा घरभाडा सम्झौतामा भएको तर हज समितिमा भने दुई हजार रियालको सम्झौता गरिएको समितिका एक सदस्यले जानकारी दिए ।
उनीहरुले हजयात्रीबाट असुल्न लागेको नयाँ रेटका कारण समितिका पदाधिकारीले करोडभन्दा बढी रकम झ्वाम पार्नेछन् । घर भाडामा मात्र धेरै ठूलो रकम अनियमतिता भएको दाबी ती सदस्यले गरे । ती सदस्यका अनुसार राष्ट्रिय स्वतन्त्र पार्टीका सांसद अशिम शाह र पूर्व अध्यक्ष शमशेर मियाले बर्तामान अध्यक्ष इस्रामुल्ला मियालाई डमि अध्यक्ष बनाउदै मनोमानी ढंगबाट काम गरिरहेका छन् । हाल हज समितिका अध्यक्ष राष्ट्रिय स्वतन्त्र पार्टीका तर्फबाट ईस्रामुल्ला मियाँ नियुक्त भएका छन् । समितिका ती सदस्यका अनुसार अन्य दलका मुस्लिम समुदायका तर्फबाट सांसद बनेकाहरुलाई कुनैपनि छलफलमा नबोलाउने तर शाह भने निरन्तर छलफलमा सहभागी हुँदै आएका छन् ।
समितिको यही बैशाख २४ गते बसेको बैठकले सांसद शाहका भाइ आशिफ शाह सहित अन्य ६ जना सदस्य रहेको उपसमिति गठन गरेको छ । त्यसमा पनि सात सदस्य रहेका समितिमा काठमाडौबाट शाहका आफन्त ५ जना नियुक्त भएका ती सदस्यले बताए । समितिमा अलिम अहमद हलुवाई, मुजम्मिल मियाँ अन्सारी, मो विलास खान, जफर हुसेन, मो अबुवकर सिद्दिकी उद्दिन मुस्लिम र पञ्चकाश्मिरीका प्रतिनिधि रहेका छन् ।हलुवाई जसपाका महासचिब मो ईस्तयक राईका सबारी चालक हुन् ।
शम्शेर मियाको पदावधि सकिए पनि हाल उनैको हालिमुहालीमा हज समिति चलिरहेको ती सदस्यले गुनासो गरे । २५ सदस्य रहेको केन्द्रीय समितिमा १५ सदस्य अशिम शाह निकट रहेका छन् । ती सदस्यले भने सांसद शाह र कानुनी हैसियत नभएका शम्शेर मियाँ बिच हजको विषयमा दैनिक पटकपटक कुरा हुने गरेको छ । ती सदस्यले भने उहाँहरु बिच कलडिटेलका बारेमा छानबिन गर्ने हो भने पनि धेरै तथ्थ उजागर हुन्छ ।
यो पनि पढ्नुहोस- केन्द्रीय हज समितिमा अनियमितताको चाङ, पटक पटक अतिरिक्त शुल्कले हाजीहरु हैरान
एकलौटी रुपमा उपसमिति गठन गरिएको भन्दै नेकपा एमाले , माओवादी केन्द्र, नेकपा एकीकृत समाजवादी र जनता समाजवादीमा आबद्ध मुस्लिम प्रतिनिधिहरुले अध्यक्षको ध्यानाकर्षण गराउँदै तालाबन्दी गर्न गएका थिए तर अध्यक्षले आफुले गल्ती गरेको भन्दै माफि मागेपछि तालाबन्दी गर्न आएको टोली फर्किएको ती सदस्यले जानकारी दिए ।
ती सदस्यका अनुसार हजयात्रीसंग संगै जानु पर्नेमा अध्यक्ष नै यही बैशाख २८ गते साउदी जाने तयारी गरिरहेका छन् तर हजयात्रीहरुको पहिलो लट भने जेष्ठ २ गते जानेछन् । पहिलो लटमा १५० जना सहभागी हुनेछन् ।
ती सदस्यका अनुसार सांसद शाह र पूर्व अध्यक्ष शमशेर मियाका प्रतिनिधी भने साउदी पुगिसकेका छन् । बिगतका गरिएको सम्झौता अनुसारको कमिसनको पहिलो किस्ता बापतको एक लाख रियाल अग्रीम भुक्तानी लिईसकेको ती सदस्यले दाबी गरे ।
बिगतमा हजयात्रीलाई मक्का नजिककै होटलमा राख्ने गरिएको भएपनि यस पटक टाढा र डाडाँको होटलमा राखिएको छ । ती सदस्यले भने साउदीको तातोमा वृद्ध हाजीहरु ४५ दिन कसरी ओहोरो दोहोरो गर्लान् ? बिगतमा १५ सयसम्म हजयात्री मक्का जाने गरेकोमा यस पटक ७४५ जना मात्र जाने भएका छन । ती सदस्यले भने समिति प्रति विश्वास नगरेर नै जाने यात्रुको संख्यामा कमी आएको हो ।
ती सदस्यले भने यस बिषयमा तत्काल प्रधानमन्त्री कार्यलय र गृहमन्त्रालयले तत्काल छानबिन गर्नुपर्छ नत्र हज प्रति मुस्लिम समुदायको आस्था र बिश्वास दिनानुदिन घट्दै जाने छ ।
