पोखरा । गण्डकी प्रदेशका मुख्यमन्त्री खगराज अधिकारीले विश्वासको मत मागेका छन् । आइतबार प्रदेशसभाको बैठकमा उनले विश्वासको मत मागेका हुन् ।
गत चैत २५ गते मुख्यमन्त्री नियुक्त भएका अधिकारीले संविधानको धारा १६८ (४) बमोजिम विश्वासको मत मागेका हुन् ।
६० सदस्यीय प्रदेश सभामा बहुमतका लागि ३१ जना सांसदको समर्थन चाहिन्छ । जसमा कांग्रेसका २७, एमालेका २२, माओवादी केन्द्रका सभामुखसहित ८, राप्रपाका २ र एक स्वतन्त्र सांसद दीपक मनाङे रहेका छन् ।
सरकार अल्पमतमा परेपछि तत्कालिन मुख्यमन्त्री सुरेन्द्रराज पाण्डेले गत चैत २१ गते राजीनामा दिएका थिए ।
