एजेन्सी । आईपीएल २०२४ मा अहिलेसम्म दुई टोली बाहेक सबैले दुई–दुई खेल खेलेका छन् । पहिलो दुई खेलमा मुम्बई इन्डियन्सको अवस्था खराब देखिन्छ । टोलीले सुरुवाती दुवै खेल हारेको छ । जबकि एमआई टोली शून्य अंकसहित अंक तालिकाको नवौं स्थानमा छ ।
जसपछि फ्यानहरुले हार्दिक पाण्ड्याको कप्तानीमा प्रश्न उठाइरहेका छन् । बाहिरबाट हेर्दा फ्यानले टिममा सबै ठिक नभएको महसुस गरेका छन् । सामाजिक सञ्जालमा एउटा भिडियो भाइरल भइरहेको छ । यही भिडियोका कारण हर्दिक अहिले धेरै ट्रोल भइरहेका छन् ।
यो भिडियो मार्च २७ को हो । जब मुम्बई इन्डियन्सको दोस्रो खेल सनराइजर्स हैदरावादसँग थियो । भिडियोमा हार्दिक पाण्ड्या लासिथ मालिंगा र कियरोन पोलार्डको अगाडि उभिएको देखिन्छ । मालिंगाले पाण्ड्यासँग कुनै पनि विषयमा कुरा नगरेको बताइएको छ ।
पाण्ड्यालाई कुर्सी दिन पोलार्ड उठेका थिए । त्यसपछि मालिंगाले पोलार्डलाई रोकेर आफै कुर्सीबाट उठे । र त्यहाँबाट मालिंगा गए । त्यसपछि पाण्डे त्यो कुर्सीमा गएर पोलार्डको नजिकै बसे ।
Even Malinga looks unhappy with their new captain. #SRHvMI pic.twitter.com/tmhLGnmgIt
— Nibraz Ramzan (@nibraz88cricket) March 27, 2024
एक प्रयोगकर्ताले लेखेका छन्, ‘म क्याप्टेन हार्दिक हुँ, मलाई मेरो कुर्सी दिनुहोस् ।’
अन्य प्रयोगकर्ताहरूले लेखेका छन् ‘हार्दिकले मालिंगालाई उठ्न र उनको लागि कुर्सी छोड्नबाट रोक्ने प्रयास पनि गरेनन् । पोलार्डको अनुहार हेर, उनी पनि सहज छैनन् । पाण्ड्यालाई वरिष्ठलाई कसरी सम्मान गर्ने थाहा छैन । उनले नयाँ कुर्सी ल्याउन सक्थे ।’
मुम्बई इन्डियन्स र सनराइजर्स हैदरावादबीचको दोस्रो खेल निकै विस्फोटक रह्यो । यो खेलमा एमआईले हार बेहोरेको थियो । हैदरावादले आईपीएलको इतिहासमा अहिलेसम्मकै सर्वाधिक २७७ रन बनायो र खेल ३१ रनले जित्यो । यस खेलमा कुल ३८ छक्का प्रहार गरिएको थियो, जुन कुनै पनि टी–२० खेलमा सबैभन्दा धेरै हो । साथै, पहिलो पटक टी–२० खेलमा दुवै टोलीले एकसाथ ५०० रनको अंक पार समेत गरे ।
