काठमाडौँ । संघीय संसद् सचिवालयका २१ जना कर्मचारीहरुलाई कोरोना संक्रमण भएको छ ।
१७६ जना कर्मचारीको एन्टिजेन परीक्षण गर्दा २१ जनामा कोरोना पोजेटिभ पाइएको हो ।
यस्तै, १६ जना सांसदको एन्टिजेन परीक्षण गर्दा ५ जनामा पोजेटिभ देखिएको र राष्ट्रिय सभाका ८ जनाको एन्टिजेन परीक्षण गर्दा १ जनामा पोजेटिभ देखिएको सचिवालयले जनाएको छ ।
हाल बानेश्वरस्थित संघीय संसद् भवनमा एन्टिजेन परीक्षण भइरहेको छ ।
राष्ट्रिय सभाको बैठक बस्नुअघि स्वास्थ्य परीक्षण गरिएको थियो । सोमबार दिउँसो १ बजे बस्ने भनिएको राष्ट्रिय सभाको बैठक अनिश्चितकालका लागि स्थगित भएको छ ।
आइतबार दिउँसो १ बजे बस्ने भनिएको प्रतिनिधिसभाको बैठक यसअघि शनिबार नै सूचना टाँस गरी सचिवालयले माघ २६ गते दिउँसो १ बजे बस्ने गरी बैठक स्थगित गरेको छ ।
