३ आश्विन २०८१, बिहीबार
,
Latest
एशियन प्रोफेसनल एचिभमेन्ट अवार्ड २०२४ बाट बिभिन्न व्यक्ति सम्मानित माओवादी केन्द्रको बैठकः अखिल (क्रान्तिकारी) को महाविधेशनबारे छलफल धरहरा चढ्नेको अत्यधिक भीड, आइतबारसम्मका लागि टिकट बुक संविधान दिवसको कन्सर्टमा प्रधानमन्त्री–फोटोफिचर राष्ट्रपतिबाट रात्रिभोज आयोजना – फोटोफिचर श्रीलङ्कामा आर्थिक मन्दीपछि पहिलोपटक शनिबार मतदान हुँदै पलेशा र एरिकालाई वागमती सरकारको सम्मान संवैधानिक इजलास आवश्यक परे हप्तामा तीन दिन राख्न सकिन्छ: न्यायाधीश ढुङ्गाना संविधान संशोधन कसैको अधिकार कटौति गर्न होइन: कानूनमन्त्री चौरसिया सरकारले सञ्चालनमा ल्यायो चाडपर्व लक्षित सुपथ मूल्य पसल
×
Ad Image 1
Ad Image 2
Ad Image 3
Ad Image 4
Ad Image 5
Ad Image 6
तपाईं के खोज्दै हुनुहुन्छ ?

स्वदेशमा सुशासन र विदेशमा नेपाल चिनाउने काम गरेँ: प्रधानमन्त्री



अ+ अ-

काठमाडौँ । प्रधानमन्त्री पुष्पकमल दाहाल प्रचण्डले स्वदेशमा सुशासन कायम गर्ने र विदेशमा नेपाललाई चिनाउने काम गरेको बताउनुभएको छ ।

आज बिहान प्रधानमन्त्री निवास बालुवाटर पुगेको गोरखा पत्रकार समाजका प्रतिनिधि पत्रकारहरुसँग कुरा गर्दै उहाँले भन्नुभयो “देशमा सुशासनका लागि गरिएका काम कारबाहीहरु त यहाँहरुले देख्नु नै भएको छ । कति वर्ष पुराना भ्रष्टाचारका मुद्दाको फाइल अध्ययन गरिएको छ र तिनीमार्फत् देशमा सुशासन कायम गर्ने काम गरिएको छ ।”

प्रधानमन्त्री प्रचण्डले आगामी दिनमा यो सुशासनको अभियानलाई अझै अघि बढाइने पनि उहाँले बताउनुभयो । प्रधानमन्त्रीले नक्कली भुटानी नागरिक प्रकरणदेखि लिएर अहिले बाँसबारी जग्गाका विषयसम्म पनि यही सरकारले गरेको हो भन्नुभयो ।
आफूले आफ्नो पछिल्लो कार्यकालको दोस्रो बर्ष सुरु भएपछि कार्यशैली परिवर्तन गर्छु भनेको र सोही बमोजिम आफू अघि बढेको उहाँको भनाई थियो ।

त्यसैगरी प्रधानमन्त्री प्रचण्डले आफूले विदेशमा नेपाललाई चिनाउने काम गरेको पनि बताउनुभएको छ । उहाँले भन्नुभयो “यहाँहरुदे देखिराख्नुभएको छ । संयुक्त राष्ट्रसंघदेखि विभिन्न विदेशी फोरममा आफू उपस्थित भएर नेपालका कुरा गरेको र विश्व समुदायको ध्यान नेपालप्रति तान्न हामी सफल भएका छौँ र त्यो वातावरण मैले बनाएको छु ।”

संयुक्त राष्ट्रसंघका महासचिव एन्टोनियो गुटरेसको नेपाल भ्रमणको वातावरण बनाएर आफूले नेपालमा जलवायु परिवर्तनका कारण उत्पन्न भएको परिस्थितिका बारेमा विश्वलाई नै जानकारी गराउन सफल भएको उहाँको दाबी थियो ।

सोही भ्रमणपछि नै दुबइमा भएको राष्ट्रसंघीय जलवायु सम्मेलनमा नेपालको मात्र चर्चा भएको सबैले देखेको उहाँको भनाई थियो ।
प्रधानमन्त्री दाहालले भन्नुभयो “विभिन्न फोरममा आफू नेपालको प्रधानमन्त्रीका हैसियतले जाँदा विदेश भ्रमणमा मात्र गएको भनेर आलोचना गर्ने गरेको भए पनि त्यसको परिणाम राष्ट्रका लागि राम्रो छ, मैले विदेशमा नेपाल चिनाउने नै काम गरेको छु ।”