काठमाडौं । प्रधानमन्त्री कप एकदिवसीय राष्ट्रिय क्रिकेट प्रतियोगितामा अभ्यास तिम्सिनाको आक्रमक बलिङमा गण्डकी प्रदेशले कोशीलाई १ सय ६८ रनको लक्ष्य दिएको दिएको छ ।
टस हारेर पहिला ब्याटिङको निम्तो पाएको गण्डकी ४८.२ ओभरमा मात्र १ सय ६७ रनमा अलआउट हुन पुग्यो । एक समय ६ रनमा ३ विकेट गुमाएको दयनीय स्थितिमा पुगेका ेगण्डकीलाई मुस्कान थापा र कप्तान विपिन खत्रीले सातौं विकेटका लागि ७६ रनको साझेदारी गर्दै टोलीलाई सम्मानजनक योगफलसम्म पुर्याए ।
मुस्कानले ६७ रन बनाउँदा कप्तान बिपिन खत्रीले ४२ र कमल परियारले १३ रनको योगदान दिए ।
कोशीको लागि अभ्यास तिमिल्सिना एक्लैले ६ विकेट लिए । उनले ९.२ ओभरमा २ मेडनसहित २३ रन खर्चेर ६ विकेट लिए । फिर्दोष अन्सरी, कमल खत्री र सोनु मण्डलले १र१ विकेट लिए ।
