एजेन्सी । पाकिस्तानी क्रिकेट टिमका पूर्व कप्तान शोएब मलिकले दोस्रो विवाह गरेका छन् । शोएबले आफ्नो इन्स्टाग्राम अकाउन्टमा विवाहको तस्विर शेयर गरेका छन् ।
हालै शोएब र सानिया मिर्जाको सम्बन्धविच्छेद हुन लागेको खबर बाहिर आएको थियो । शोएब मलिकले पाकिस्तानी अभिनेत्री सना जावेदसँग दोस्रो विवाह गरेका हुन् ।
लामो समयदेखि सानिया मिर्जा र शोएब मलिकको सम्बन्धविच्छेद हुनसक्ने अड्कलबाजी चलिरहेको थियो । तर, शोएब–सानियाको सम्बन्धविच्छेदको पुष्टि भने भएको छैन । यही कारण शोएबको दोस्रो विवाहले सबैलाई चकित बनाएको छ ।
शोएब मलिककी दोस्रो श्रीमती सना जावेद मात्र २८ वर्षकी छिन् । सना पाकिस्तानका धेरै टिभी शोमा देखा परेकी छिन् । यसका साथै उनी धेरै म्युजिक भिडियोमा अभिनय पनि गरिसकेकी छिन् । तर, यसअघि शोएब र सनाको सम्बन्धको बारेमा कुनै जानकारी आएको थिएन ।
सानिया मिर्जाले केही दिनअघि आफ्नो सामाजिक सञ्जाल अकाउन्टमा एक भावुक पोस्ट सेयर गरेकी थिइन्, जसका कारण शोएब मलिक र सानियाको सम्बन्धविच्छेदको अड्कलबाजी बढेको थियो । यससँगै सानियाले शोएब मलिकसँग शेयर गरेको तस्विर पनि अचानक डिलिट गरिन् ।
शोएबको पहिलो विवाह आयशा सिद्दीकीसँग भएको थियो । उनीसँग सम्बन्धविच्छेद गरेपछि शोएबले २०१० मा पूर्व भारतीय टेनिस खेलाडी सानियासँग विवाह गरे ।
सानिया र शोएबको सम्बन्धविच्छेदको बारेमा अहिलेसम्म आधिकारिक जानकारी आएको छैन ।
