काठमाडौं । प्रधानमन्त्री कप एकदिवसीय राष्ट्रिय प्रतियोगितामा स्पिनर साहब आलमको घातक बलिङमा त्रिभुवन आर्मी क्लबले कोशी प्रदेशलाई ८८ रनमा अल आउट गरेको छ ।
मुलपानी क्रिकेट मैदानमा टस हारेर ब्याटिङको निम्तो पाएको कोशी २४.४ ओभरमा अल आउट हुँदै ८८ रन बनायो । कोेशीका कप्तान अंकित सुवेदीले सर्वाधिक ४१ रन बनाए । कोशीका १० खेलाडीले दोहोरो अंकमा रन बनाउन सकेनन् । पाँच खेलाडीले खाता नै खोल्न सकेनन् ।
एक समय १२.१ ओभरमा ७०–२ को अवस्थामा रहेको कोशी बाँकी १८ रन जोड्दा ८ विकेट गुमाएपछि ८८ रनमा अल आउट भएको हो ।
आर्मीका साहब आलमले उत्कृष्ट ६ विकेट लिए । उनले ६.४ ओभरमा ३ मेडनसहित १४ रन खर्चेर ६ विकेट लिए । कुशल मल्लले २ विकेट लिँदा सोमपाल कामी र विवेक यादवले १–१ विकेट लिए ।
अहिले आर्मीले जवाफी ब्याटिङ गर्दै छ ।
