एजेन्सी । फिल्म टाइगर ३ को सफलतापछि इमरान हाशमीले आफूलाई लग्जरी उपहार दिएका छन् । यो उपहार भारतको सबैभन्दा महँगो रोल्स रोयस कार हो, जसको हालको मूल्य १२ करोड २५ लाख भारु छ ।
रिपोर्टका अनुसार, ४४वर्षीय इमरान हाश्मीले जनवरी ११ मा रोल्स रोयस घोस्ट ब्ल्याक बेज किनेका थिए, जुन उनले जनवरी १२ मा डेलिभरी गरे । कार पाएपछि इमरान मुम्बईमा आफ्नो नयाँ कारमा देखिएका थिए ।
टाइगर ३ का अभिनेता इमरान हाशमीलाई लग्जरी कार मनपर्छ । उनको कार संग्रहमा लगभग सबै लक्जरी कारहरू छन् । उनको कलेक्सनमा २ करोड ३० लाख रुपैयाँको मर्सिडिज मेब्याक एस ५६० छ । ३ करोड ७९ लाखको ल्याम्बोर्गिनी हुराकान, १ करोड ५८ लाखको अडी ए८, २ करोड ४१ लाखको ल्यान्ड रोभर रेन्ज रोभर भोग र २ करोड ८० लाखको ल्याम्बोर्गिनी ग्यालार्डो पनि उनीसँग छ ।
इमरान हाश्मी गत वर्ष दुई फिल्म सेल्फी र टाइगर ३ मा देखिएका थिए । अहिले उनको खातामा तमिल फिल्म ओजी छ । अहिले यो चलचित्रको छायांकन चलिरहेको छ ।
२०२३ मा रिलिज भएको फिल्म टाइगर ३ मा इमरान हाशमीले आईएसआई जनरल आतिश रहमानको शक्तिशाली भूमिका निभाएका थिए । अब उनी छिट्टै फिल्म ‘डन–३’ मा खलनायकको भूमिकामा देखिने खबर बाहिर आएको छ ।
फिल्म डन–३ मा रणवीर सिंह मुख्य भूमिकामा देखिनेछन् जसको साथमा इमरान नकारात्मक भूमिकामा देखिनेछन् । यद्यपी यसबारे निर्माता वा इमरानबाट कुनै आधिकारिक पुष्टि भएको छैन ।
