काठमाडौँ । अर्थमन्त्री डा. प्रकाशशरण महत मंगलबार भारत प्रस्थान गरेका छन् ।
भोलिदेखि भारतको गुजरातमा सुरु हुने भाइव्रेट गुजरात विश्व सम्मेलनमा सहभागि हुन अर्थमन्त्री महत त्यसतर्फ गएका अर्थ मन्त्रालयले जनाएको छ । उनी भिस्तारा एअरको उडानबाट श्रीमती विना महतका साथ भारत प्रस्थान गरेका हुन् ।
भाइव्रेट विश्व सम्मेलनको उद्घाटन भारतका प्रधानमन्त्री नरेन्द्र मोदीले गर्नेछन् । जनवरी १० देखि १२ तारेखसम्म हुने सम्मेलनमा ३४ वटा देशले भाग लिनेछन् । जसमा पाँच वटा देशका प्रधानमन्त्री तथा राष्ट्रपति नै सहभागी हुने र बाँकी देशका मन्त्रीहरू सहभागी हुने बताइएको छ ।
