एजेन्सी । भारत र दक्षिण अफ्रिकाबीचको दोस्रो टेस्ट दुई दिनको पाँच सत्रमा सकिएकोले यस पिचमा प्रश्न उठ्नु स्वभाविक हो । प्रेस मिटमा अलग्गै समय पाएपछि भारतीय कप्तान रोहित शर्मासँग पत्रकारले कुरा गर्दा उनले आफ्नो शरीरमा रहेका बलका निशान देखाए ।
रोहितको शरीरमा रहेको निशानले यो पिच कति खतरनाक थियो भन्ने प्रस्ट पार्छ । आईसीसी म्याच रेफ्री क्रिस ब्रोडले न्युल्यान्ड्स स्टेडियमको पिचलाई ‘औसतभन्दा तल’को रेटिङ दिन सक्नेछन् ।
जब दक्षिण अफ्रिकाका ब्याटिङ सल्लाहकार र पूर्व कप्तान अश्वेल प्रिन्सले यो पिच देखे, उनले यसलाई ‘पहिलो दिनको सबैभन्दा छिटो पिच’ भनेका थिए र यसको बीच–बीचमा उछाल देखेर चिन्तित पनि थिए ।
न्युल्यान्ड्सको आयोजक संस्था ‘वेस्ट प्रोभिन्स क्रिकेट एसोसिएसन’ आर्थिक रुपमा निकै कमजोर रहेको छ । जसकारण डेढ दिनको खेल उनीहरुका लागि घाटाको विषय हुनेछ ।
