एजेन्सी । इन्डियन प्रिमियर लिग (आईपीएल) २०२४ को मिनी लिलामी १९ डिसेम्बरमा दुबईमा भएको थियो । यस लिलामीमा धेरै देशका खेलाडीले भाग लिएका थिए ।
यसैबीच, अफगानिस्तानका खेलाडीलाई आईपीएल खेल्न गाह्रो भइरहेको छ । वास्तवमा, अफगानिस्तान क्रिकेट बोर्डले खेलाडीहरूलाई अर्को दुई वर्ष आईपीएल खेल्नको लागि ‘नो अब्जेक्सन प्रमाणपत्र’ दिन अस्वीकार गरेको छ ।
यसमा मुजीब–उर–रहमान, फजलहक फारुकी र नवीन–उल– हक समावेश छन् । खेलाडीलाई वार्षिक केन्द्रीय सम्झौताबाट रिहा गर्ने निर्णयलाई मध्यनजर गर्दै यो निर्णय गरिएको हो । एसबीले लिग खेल्नुभन्दा देशका लागि खेल्नलाई प्राथमिकता दिँदै खेलाडीको हितका लागि यस्तो निर्णय गरेको बुझिएको छ ।
यी खेलाडीहरू आफ्नो फाइदाका लागि व्यावसायिक क्रिकेट लिग खेल्छन्, जसका कारण उनीहरू केन्द्रीय सम्झौताबाट मुक्त हुन चाहन्छन् । अफगानिस्तानको राष्ट्रिय क्रिकेट बोर्डले खेलाडीको यस्तो कार्यलाई ध्यानमा राख्दै उनीहरुमाथि कडा कारबाही गर्न बाध्य भएको जनाएको छ ।
आईपीएल २०२४ को लिलामीमा मुजीब–उर– रहमानलाई कोलकाता नाइट राइडर्सले २ करोडमा आफ्नो टोलीमा समावेश गरेको थियो । यसबाहेक नवीनलाई लखनऊ सुपर जाइन्ट्सले आफ्नो टोलीमा समावेश गरेको छ भने सनराइजर्स हैदरावादले फजलहकलाई आफ्नो टोलीमा समावेश गरेको छ ।
यसबाहेक न्युजिल्यान्डका ट्रेन्ट बोल्ट र दक्षिण अफ्रिकाका ब्याट्सम्यान फाफ डु प्लेसिसलगायत धेरै शीर्ष क्रिकेटरले केन्द्रीय क्रिकेटभन्दा फ्रेन्चाइजी क्रिकेटलाई प्राथमिकता दिँदै राष्ट्रिय टोलीबाट बाहिरिएका छन् ।
