काठमाडौँ । नेपाली काँग्रेसका नेता जगदिश्वर नरसिंह केसीले महासमितिको बैठक तोकिएकै समयमा हुनुपर्ने बताउनुभएको छ ।
बुधवार शेखर—गगन समूहको बैकठपछि बोल्दै उहाँले यस्तो बताउनुभएको हो । उहाँले काँग्रेस नीति बिहीन रुपले हिँड्न नसक्ने भन्दै राजनीतिक, सांगठनिक, आर्थिक, वैदेशिक नीति महाधिवेशनबाट स्पष्ट हुनुपर्ने बताउनु भयो । उहाँले महासमितिको बैठक नीति महाधिवेशनको रुपमा रुपान्तरित गरेर केही विषयवस्तु एजेण्डाबाइज बन्नुपर्ने बताउनु भयो । उहाँले राष्ट्रिय सभा निर्वाचनमा मौका नपाएका, पार्टीचित्र त्याग, तपस्या, बलिदानी, निष्ठा र आदर्श बोकेकालाई अवसर दिनुपर्ने बताउनु भयो ।
उहाँले भन्नुभयो, ‘ठण्डा, जाडो, हिउँ पर्छ भन्नेकुरा त्यही समयमा थाहा थियो । त्यसैले महासमितिको बैठक तोकिएकै समयमा हुनुपर्छ । राजनीतिक, सांगठनिक, आर्थिक, वैदेशिक नीति नीति बिहीन रुपले काँग्रेस हिँड्न सक्दैन । महासमितिको बैठक नीति महाधिवेशनको रुपमा रुपान्तरित गरेर केही विषयवस्तु एजेण्डाबाइज बन्नुपर्छ । राष्ट्रिय सभा निर्वाचनमा मौका नपाएका, पार्टीचित्र त्याग, तपस्या, बलिदानी, निष्ठा र आदर्श बोकेका पुराना कुनै अवसर नपाएकाहरुलाई अवसर दिनुपर्छ । पटकपटक चुनाव हार्ने, चुनाव लड्नेहरुलाई अवसर दिनु हुँदैन ।’
नेता केसीले पटकपटक चुनाव हार्नेहरुलाई राष्ट्रिय सभनामा अवसर दिनु नहुने बताउनु भयो ।
