• ४ असार २०८१, मंगलवार
  •      Tue Jun 18 2024
  •   Unicode
Logo
Latest
★   प्रधानमन्त्रीले नैतिकताको आधारमा पदमा बसिरहन मिल्दैन: प्रभु साह ★   भौतिक पूर्वाधार तथा यातायात मन्त्रालयको बजेट पुनर्लेखन गर्नुपर्छ: अब्दुल खान ★   अध्यक्ष ठाकुरको प्रश्न: जनयुद्ध गरेको माओवादी नेतामाथि कुनै मुद्दा छैन, मधेसी नेतामाथि मुद्दा किन ? ★   सहकारी मन्त्रालयको ‘ब्रिफिङ’: १९ मध्ये दुई सहकारीले रकम फिर्ता गरिसक्यो ★   गोसाइँकुण्डमा गङ्गादशहरा स्नान गर्ने बढे ★   शिक्षामा दलिय राजनीतिकरण अन्त्य गरेरै छोड्छु: शिक्षामन्त्री श्रेष्ठ ★   नेपाल–चीनका विश्वविद्यालयबीच सम्बन्ध विस्तारमा शैक्षिक मेला उपयोगी हुने परराष्ट्रमन्त्रीको विश्वास ★   मन्त्रीहरुलाई खल्तीमा राजीनामा लिएर नहिड्न सांसद झाको आग्रह ★   टी–२० विश्वकप: युगान्डाका खेलाडिलाई आएको थियो म्याच फिक्सिङको अफर ★   पर्यटकको पर्खाइमा दार्चुलाको अपी नाम्पा संरक्षण क्षेत्र

गृहिणीका स्तन र पाठेघर जाँच्न नेपाल क्यान्सर अस्पताल हरिसिद्धिको टोली गुल्मीको तम्घासमा



ललितपुर । नेपाल क्यान्सर हस्पिटल एण्ड रिसर्च सेन्टर हरिसिद्धि, ललितपुरको विशेषज्ञ चिकित्सक टोली गुल्मीको सदरमुकाम तम्घासका गृहिणीहरुको स्तन र पाठेघरको मुखको क्यान्सर पत्ता लगाउन तम्घास पुगी उनीहरुको नि:शुल्क स्वास्थ्य परीक्षण गरेको छ ।

निजामति कर्मचारी श्रीमती संघ अनामनगर, काठमाण्डौको आयोजना तथा नेपाल क्यान्सर सहयोग समूह  उपचारका लागि सहयोगी हातहरु र मदनदेवी फाउण्डेशनको सहयोगमा विशेषज्ञ चिकित्सक टोली पहिलोपल्ट नि:शुल्क शिवीर सञ्चालन गर्न तम्घास पुगेको थियो ।

तम्घासस्थित महेन्द्र मोडेल सेकेण्डरी स्कुलमा आयोजित स्थानीय गृहिणीहरुको पाठेघर तथा स्तन क्यान्सर सम्वन्धि नि:शुल्क शिवीरमा क्यान्सरको लक्षण देखिएकाहरुलाई तत्काल उपचारको लागि नजिकको अस्पताल या क्यान्सर अस्पतालमा जान सुझाइएको उपचारका लागि सहयोगी हातहरुकी कोषाध्यक्ष रेजिना मुल्मीले बताइन् ।

नेपाल क्यान्सर अस्पतालका स्त्रीरोग विशेषज्ञ डा.अनुषा शर्मा, मेडिकल अफिसरहरु डा.विजिता शर्मा, आरसी अमात्य, नर्स शिला बस्नेत र धनदेवी महर्जनले शनिबार विहान ९ देखि ६ बजेसम्म २५० जनाको स्वास्थ्य परीक्षण गरि नि:शुल्क औषधि वितरण र स्वास्थ्य परामर्श दिएका थिए ।

सो शिवीरमा नेपाल क्यान्सर अस्पतालकी निर्देशक एवम् उपचारका लागि सहयोगी हातहरु संस्थाकी अध्यक्ष स्वरुपा श्रेष्ठ, नेपाल क्यान्सर सहयोग समूहका अध्यक्ष दिलिप भट्टराई,कोषाध्यक्ष रेजिना मुल्मी, निजामती कर्मचारी श्रीमती संघकी अध्यक्ष अन्जु अर्याल, नेपाल क्यान्सर अस्पतालका बजार व्यवस्थापक स्वयम् विक्रम शाह, सहयोग समूहकी रोजिना थापा लगायतले स्वयम्सेवा गरेका थिए ।