काठमाडौं । मलेसियामा रहनुभएका रास्वपाका सभापति रवि लामिछानेले नेपाली राजदूत डिल्लीराज पौडेलसँग नेपाली कामदारले भोग्दै आएका समस्या र दूताबासले दिने सेवा थप प्रभावकारी बनाउने विषयमा छलफल गर्नुभएको छ ।
छलफलमा सभापति लामिछानेले प्रवासमा रहेकाका लागि सम्बन्धित देशमा रहेको दूतावास अभिभावकीय भूमिकामा रहनुपर्ने भन्दै मलेसियामा रहेका सबै नेपालीको पीरमर्का र समस्यामा गम्भीर भएर संभव भएसम्म छिटो समाधान दिन अनुरोध गर्नुभएको थियो।
प्रतिउत्तरमा राजदूत पौडेलले सीमित स्रोत-साधनका कारण चाहेजस्तो सेवा दिन कठिन भए पनि समस्यामा परेको सबैलाई समान व्यवहार गर्ने गरिएको जानकारी दिनुभयो।
राजदूत पौडेलले सातामा एक दिन (शुक्रबार) फेसबुक लाइभमार्फत पनि सहजीकरण र महिनामा एकपटक ुमोवाइल एम्बेसीु अभियान सञ्चालन भइरहेको पनि अवगत गराउनु भएको सहप्रवक्ता कबिद्र बुर्लाकोटीले जानकारी दिनुभयो ।
