एजेन्सी । अष्ट्रेलियाले भारतविरुद्धको अन्तिम तीन टी–२० खेलका लागि आफ्नो टोलीमा ठूलो फेरबदल गरेको छ ।
विश्वकप २०२३ को विजेता टोलीमा रहेका ग्लेन म्याक्सवेल र स्टिभ स्मिथसहित मार्कस स्टोइनिस, जोस इन्ग्लिस, सिन एबोट र एडम जाम्पाजस्ता ६ स्टार खेलाडीलाई विश्राम दिइएको छ ।
योसँगै जोस फिलिप, बेन म्याकडरम्याट, क्रिस ग्रीन टोलीमा प्रवेश गरेका छन् । पाँच खेलको शृङ्खलामा अष्ट्रेलिया २–० ले पछि छ । स्टिभ स्मिथ, एडम जाम्पा अष्ट्रेलिया प्रस्थान गरिसकेका छन् भने म्याक्सवेल, स्टोइनिस, इंग्लिस र सन एबोट तेस्रो टी–२० खेलपछि स्वदेश प्रस्थान गर्नेछन् ।
जोस फिलिप र म्याकडरम्याट तेस्रो टी–२० का लागि उपलब्ध हुनेछन्, जबकि क्रिस ग्रीन र डोउलिस बुधबारसम्म टोलीमा सामेल हुनेछन् ।
अष्ट्रेलियाले अहिलेसम्म खेलेका दुवै टी–२० खेलमा निराशाजनक प्रदर्शन गरेको छ । पहिलो टी–२० खेलमा टोली २ विकेटले पराजित भएको थियो भने दोस्रो खेलमा ४४ रनले पराजित भएको थियो ।
टोलीका ब्याट्सम्यानको प्रदर्शन बलियो रहे पनि बलरले अपेक्षाअनुरुप चल्न सकेनन् । दोस्रो टी–२० मा टिमका बलरले २० ओभरमा २३५ रन दिएका थिए । यससँगै पहिलो टी–२० मा पनि अष्ट्रेलियाका बलरहरु नराम्ररी चुटिन पुगेका थिए । सिरिजमा आफूलाई जीवित राख्न अस्ट्रेलियाले कुनै पनि हालतमा तेस्रो टी–२० जित्नुपर्नेछ ।
