काठमाडौं । राष्ट्रिय प्रजातन्त्र पार्टी (राप्रपा) ले सरकारले आजदेखि माघ १५ गतेसम्म सरकारी कार्यालयहरू बिहान १० देखि अपरान्ह ४ बजेसम्म मात्रै खुलाउने भनी गरेको निर्णय अनुचित र गलत भएको जनाएको छ ।
राप्रपा प्रवक्ता एवं प्रचार विभाग प्रमुख मोहन श्रेष्ठले कार्यलय समय घटाउने सरकारको निर्णय अनुचित रहेको बताउनुभयो । उहाँले भन्नुभयो घडीको सुइॅ हेरेर देशले भोगिरहेको विद्यमान संकटबाट मुक्त हुन सकिन्न ।
श्रेष्ठले विभिन्न बहानामा दिइने अधिक सार्वजनिक बिदाको मार खेपिरहेको देशमा चिसो र दिन छोटो हुने अर्को बहानामा सरकारी कार्यालयको समय घटाएर ६ घण्टा मात्रै कायम गरिनु उपयुक्त नहुने भन्दै निर्णयमा पुनर्विचार गर्न आग्रह गर्नुभयो ।
