रुपन्देही । लुम्बिनी प्रदेशका मुख्यमन्त्री शंकर पोखरेलले आफूविरुद्ध अविश्वास प्रस्तावमा हस्ताक्षर गरेका तीनसहित जसपाका चार सांसदलाई थपेर आज मन्त्रिपरिषद् विस्तार गर्नुभएको छ ।
प्रदेश प्रमुख धर्मनाथ यादवले नवनियुक्त मन्त्रीहरू विजय यादव, सन्तोष पाण्डे, कल्पना पाण्डे र सुमन रायमाझीलाई सपथ गराउनुभएको हो ।
थपिएका मन्त्रीमध्ये भौतिक पूर्वाधारमा सन्तोष पाण्डे, सरकारका प्रवक्तासमेत रहनुभएका भौतिक पूर्वाधार मन्त्री बैजनाथ चौधरी थारुलाई आर्थिक मामिला तथा योजना मन्त्रालय साथै ग्रामीण तथा शहरी विकास मन्त्रालयको जिम्मेवारी दिइएको छ । त्यस्तै उद्योगमन्त्री लीला गिरीलाई आन्तरिक मामिला तथा कानून र स्वास्थ्य तथा जनसंख्या मन्त्रालयको जिम्मेवारी दिइएको छ ।
कृषिमन्त्री आरती पौडेललाई उद्योग वन तथा वातावरण मन्त्री, कल्पना पाण्डे शिक्षा तथा सामाजिक विकास मन्त्री, विजयबहादुर यादव भूमि व्यवस्था, कृषि तथा सहकारी मन्त्रालय र सुमन शर्मा रायमाझी भौतिक पूर्वाधार राज्यमन्त्री नियुक्त हुनुभएको छ ।
