काठमाडौं। जनता समाजवादी पार्टी (जसपा)का अध्यक्ष महन्थ ठाकुर प्रधानमन्त्री केपी शर्मा ओलीलाई भेट्न उहाँको निवास बालुवाटारमा पुग्नुभएको छ।
केहीबेर अघिमा अध्यक्ष ठाकुर बालुवाटार पुग्नुभएको स्रोतले बताएको छ ।
२७ गते प्रधानमन्त्री ओलीले विश्वासको मत माग्दा अध्यक्ष ठाकुर पक्षका सांसदहरु तटस्थ बसेका थिए । जसपामा यतिबेला महन्थ ठाकुर र उपेन्द्र यादव समूहबीच १६–१६ जना सांसद छन् ।
संविधानको धारा ७६ (२) बमोजिम दुई वा दुईभन्दा बढी दलको बहुमतको सरकार बनाउनका लागि राष्ट्रपति विद्यादेवी भण्डारी ३० वैशाखको साँझ ९ बजेसम्मलाई समय तोक्नुभएपछि सत्ता समीकरणका लागि नेताहरुको दौडधुप बढेको छ ।
