एजेन्सी । सनी देवल स्टारर बलिउड फिल्म ‘गदर २’ ले बक्स अफिसमा आक्रामक कमाई गरिरहेको छ । शुक्रबारबाट प्रदर्शनमा आएको फिल्मले तीन दिनमै १३४ करोड बढीको कलेक्शन गरेको छ ।
यो आँकडा भारतभित्रको मात्र रहेको छ । फिल्मले शुक्रबार ४०.१०, शनिबार ४३.८ र आइतबार ५१.७० गरी तीन दिनमा १३४.८८ करोडको कमाई गरेको हो ।
अनिल शर्माको निर्देशन रहेको यो फिल्म २००१ को गदरको सिक्वेल हो । फिल्ममा सनी देवलसँगै अमिशा पटेल, उत्कर्ष शर्मा, मनिष वधवा, गौरव चोपरा लगायतको भूमिका रहेको छ ।
