काठमाडौं । प्रधानमन्त्री ओलीले शपथ ग्रहण गर्नुभएको छ । राष्ट्रपति कार्यालय शीतल निवासमा प्रधानमन्त्री ओलीले राष्ट्रपति विद्यादेवी भण्डारी सामु पद तथा गोपनियताको शपथ लिनुभएको हो ।
सपथ ग्रहण समारोहमा उपराष्ट्रपति नन्दबहादु पुन, सभामुख अग्नि सापकोटा, प्रधानन्यायाधीश चोलेन्द्र शमसेर राणा, राष्ट्रिय सभाका अध्यक्ष गणेशप्रसाद तिमिल्सिनालगायतका विशिष्ट व्यक्तिहरूको उपस्थिति रहेको छ ।
बिहिबार तोकिएको समय भित्र बहुमतीय सरकारको लागी दलहरु बीच सहमति नजुटेपछि राष्ट्रपति बिद्यादेबी भण्डारीले संविधानको धारा ७६ को उपधारा ३ बमोजिम संसदको सबैभन्दा ठुलो दल नेकपा एमाले संसदीयदलका नेता केपी ओली लाई प्रधानमन्त्रीमा नियुक्त गर्नुभएको थियो ।
तेस्रो पटक प्रधानमन्त्री बन्नुभएका ओलीले नेपालको ४३ औं प्रधानमन्त्रीको रूपमा शपथ लिनुभएको हो । यसका साथै कम्युनिष्टबाट धेरैपटक(३) प्रधानमन्त्री बन्ने ओली पहिलो व्यक्ति पनि बन्नुभएको छ ।
अब प्रधानमन्त्री ओलीले एक महिनाभित्र विश्वासको मत लिनुपर्नेछ ।
