एजेन्सी । भारतको असम राज्यमा चट्याङ परेर १८ वटा हात्तीको ज्यान गएको छ । केही दिनअघि नागाँवमा आएको आँधीहुरी र चट्याङमा परी उनीहरूको मृत्यु भएको हो ।
वन विभागका कर्मचारीहरूले दुईवटा समूहमा गरी हात्तीहरूको शव भेटेका थिए । असमका नवनियुक्त मुख्यमन्त्री हिमन्त विश्व शर्माले यति धेरै हात्तीहरूको मृत्युबाट आफू चिन्तित भएको बताएको छ ।
वन विभागका अमित सहायले भने, ‘चारवटा हात्तीको शव एक ठाउँमा अनि १४ वटाको अर्को ठाउँमा भेटिएको थियो । आरम्भिक अनुसन्धानमा ती हात्तीहरू चट्याङ परेर मरेका हुनसक्ने देखिएको छ ।’ हात्तीहरू यसरी मरेको देखेपछि गाउँलेहरू शोकाकुल भएका थिए ।
