काठमाडौं । पार्टी भित्रको अन्तरसर्घष व्यबस्थापन गर्न बनेको नेकपा एमाले कार्यदलको बैठक आज बस्दैछ । कार्यदल गठन भएपछि पहिलो पटक बैठक बस्न लागेको हो ।
बैठक दिउसो तीन बजे सिंहदरबारमा बस्ने एमाले नेता एबं कार्यदलका सदस्य रधुजी पन्तले जानकारी दिनुभयो । हिजो बैठक बस्ने भनिएपछि नेपाल पक्षका संयोजक भीम रावलको आँखामा समस्या भएका कारण बस्न सकेको थिएन ।
गत वैशाख ३१ गते अध्यक्ष एबं प्रधानमन्त्री केपी ओली र बरिष्ठ नेता माधब नेपाल बीच एमालेलाई एकताबद्ध बनाएर लैजाने र बिवादका बिषयलाई कार्यदल बनाएर समाधान खोजीने सहमति भएको थियो ।
नेपाल पक्ष २०७५ जेष्ठ दुई लाई आधार मान्नु पर्ने पक्षमा रहेको छ भने ओली पक्ष २०७७ फाल्गनु २८ को बैठकलाई आधिकारीक मान्नु पर्ने पक्षमा देखिदै आएको छ । कार्यदलका ओली पक्षबाट सुवास नेवाङ, बिष्णु पौडेल, शंकर पोखरेल, प्रदीप ज्ञावली र बिष्णु रिमाल रहेका छन् भने नेपाल पक्षबाट भीम रावल , घनश्याम भुषाल, सुरेन्द्र पाण्डे, गोकर्ण बिष्ट र रधुजी पन्त सदस्य रहनु भएको छ ।
