काठमाडौँ । सरकारमा सहभागी सात दलको वैठक प्रधानमन्त्री निवास बालुवाटारमा सुरु भएको छ । समसामयिक विषयमा छलफल गर्नका लाग आज विहान बैठक सुरु भएको हो ।
आजको बैठकमा प्रतिपक्षी दलले हिजोदेखि सुरु गरेको संसद अवरुद्धका विषयमा पनि छलफल हुने बताइएको छ ।
बैठकमा प्रधानमन्त्री पुष्पकमल दाहालसहित उपप्रधानमन्त्री तथा रक्षामन्त्री पूर्णबहादुर खड्का, उपप्रधानमन्त्री तथा गृहमन्त्री नारायणकाजी श्रेष्ठ, नेकपा एकीकृत समाजवादीका राजेन्द्र पाण्डे, जनता समाजवादी पार्टी नेपालका अध्यक्ष उपेन्द्र यादव, लोकतान्त्रिक समाजवादी पार्टी (लोसपा)का अध्यक्ष महन्थ ठाकुर, नागिरक उन्मुक्ति पार्टीका रञ्जिता श्रेष्ठ, जनमत पार्टीका अध्यक्ष डा सिके राउत, नेपाली कांग्रेसका नेता कृष्ण सिटौलालगायतका नेता सहभागी हुनुहुन्छ ।
