एजेन्सी । च्याम्पियन्स लिगको उपाधि चेल्सीले जितेको छ । चिरप्रतिद्वन्द्धी क्लब म्यान्चेस्टर सिटीलाई १-० गोलले हराउँदै चेल्सीले उपाधिमाथी कब्जा गरेको हो ।
पोर्चुगलको ड्रागो मैदानमा भएको खेलमा चेल्सीका लागि एकमात्र निर्णायक गोल खेलको ४२ औं मिनेटमा काई हाभेट्र्जले गरे । निकै नै प्रतिस्पर्धात्मक बनेको खेलमा सिटीले केही गोल गर्ने अवसरहरु गुमाउन पुगेको थियो ।
म्यान्चेस्टर सिटीले पहिलोपटक उपाधि जित्नबाट बन्चित भएको छ भने चेल्सीले दोस्रोपटक च्याम्पियन्स लिगको उपाधि जितेको छ ।
यसअघि चेल्सी २०१२ मा च्याम्पियन बनेको थियो । फ्रांक लाम्पार्डलाई बर्खास्त गरेपछि टिम सम्हाल्न आएका थोमस टुकेलले चेल्सीलाई उपाधि जिताएका हुन् भने आफ्नो करिअरमा प्रशिक्षकबाट पहिलो पटक च्याम्पियन्स लिगको उपाधि जिते ।
