काठमाडौ । सरकारले ताप्लेजुङ् सुकेटार बिमानस्थललाई स्वर्गिय रवीन्द्र अधिकारी नामाकरण गर्ने निर्णय गरेपछि एमालेका नेता योगेश भट्टराईले स्थानीयको सहमति बिना नाम परिबर्तन नगर्न सुझाब दिनु भएको छ ।
सामाजिक संञ्जाल मार्फत नेता भट्टराईले ऐतिहासिक रुपमा कुनै नाम वा बिशेषताबाट चिनिएका स्थानहरुको परिचय बदल्नुभन्दा अघि त्यसको आबश्यकता, औचित्यता, सान्दर्भीकता र परिणामका बारेमा स्थानीय सरोकारवाला समुह, जनप्रतिनिधि सहित नागरिक स्तरमा ब्यापक छलफल र बिमर्श गरी सहमति निर्माण गर्नु माग गर्नुभएको छ ।
उहाँले लेख्नभएको छ सबैको सहभागीता मुलक लोकतन्त्र बलियो हुनसक्छ । असल काम पनि असल नियत र सहि प्रकृयाबाट गरियो भनेमात्र सहि परिणाममा पुग्न सकिन्छ । अन्यथा बिबाद, बिभाजन र अनाबश्यक तनाबमात्र झेल्नु पर्दछ ।
