काठमाडौं । आज साँझ बस्ने भनिएको नेकपा (एमाले) को स्थायी कमिटी बैठक सरेको छ । पार्टी अध्यक्ष केपी शर्मा ओलीले साँझ ५ बजे आफ्नो निवास बालुवाटारमा बोलाएको बैठक भोली बस्ने भएको हो ।
बैठकले पछिल्लो राजनीतिक अवस्थाको समीक्षा गर्ने र थप निर्णय लिने बताईएको छ । यसअघिको स्थायी कमिटी बैठकले देउवालाई प्रधानमन्त्री बनाउन हस्ताक्षर गर्ने १२ सांसदसँग स्पष्टीकरण मागेको थियो ।
विरोध खतिवडा, जीवनराम श्रेष्ठ, घनश्याम भुसाल, सोमप्रसाद पाण्डे, कृष्णलाल महर्जन, झपट रावल, भवानीप्रसाद खापुङ, यज्ञ सुनुवार, सुरेन्द्र पाण्डे, मेटमणि चौधरी, दीपकप्रकाश भट्ट र नारायण खतिवडालाई पार्टीले स्पष्टीकरण सोधेको थियो ।
उहाँहरू कसैले पनि स्पष्टीकरणको जवाफ दिनुभएको छैन । यसअघि माधव नेपाल, झलनाथ खनाल र भीम रावलसहित ११ जनालाई पार्टीबाट निष्कासन गरिसकेको एमालेले आज थप नेतामाथि कारवाही अघि बढाउने सम्भावना रहेको स्रोतले बताएको छ ।
