काठमाडौं । जनता समाजवादी पार्टीका अध्यक्ष महन्थ ठाकुर र नेता राजेन्द्र महतो बालुवाटार पुगेका छन्। सरकारमा सहभागी हुने विषय प्रधानमन्त्री केपी शर्मा ओलीसँग छलफल गर्न उनीहरू बालुवाटार पुगेका हुन् । अहिले प्रधानमन्त्री ओली, नेता ठाकुर र महतोबिच छलफल भइरहेको छ ।
अध्यक्ष ठाकुरनिकट जसपाका एक कार्यकारिणी सदस्यका अनुसार सरकारमा सहभागी हुने अन्तिम छलफल भइरहेको बताए । उनका अनुसार जसपाले आठ मन्त्रीसहित २ राज्यमन्त्री मागेको छ ।
यसैबीच जनता समाजवादी पार्टीभित्र विवाद बढेका बेला संघीय परिषद अध्यक्ष बाबुराम भट्टराईले हात मिलाएर आ-आफ्नो बाटो लाग्नुपर्ने बताएका छन्।
पार्टीभित्र प्रधानमन्त्रीमा ओलीलाई नै निरन्तरता दिने कि नेपाली कांग्रेसका सभापति शेरबहादुर देउवालाई सहयोग गर्ने भन्नेमा विवाद छ।
