काठमाडौं । नेकपा एमाले स्थायी कमिटीको बैठक शुरू भएको छ । मंगलवार प्रधानमन्त्री निवास बालुवाटारमा स्थायी कमिटीको बैठक शुरू भएको हो ।
एमाले स्रोतका अनुसार बैठकमा कांग्रेस सभापति शेरबहादुर देउवालाई प्रधानमन्त्री बनाउने प्रस्तावमा हस्ताक्षर गरेका १२ पूर्वसांसद माथिको कारवाहीबारे छलफल हुने बतायो ।
यसअघिको स्थायी कमिटी बैठकले माधव नेपाल झलनाथ खनाल, भीम रावल लगायत ११ जनामाथि कारबाही गरेको थियो भने सुरेन्द्र पाण्डे, घनश्याम भुसाल लगायत १२ जनालाई स्पष्टीकरण सोधेको थियो ।
स्थायी कमिटी बैठकको पूर्वसन्ध्यामा हिजो एमालेका दोस्रो तहका नेताहरुले पार्टी विवाद हल गर्नेबारे छलफल गरेका थिए ।
