काठमाडौँ । नेपाली सुनचाँदी बजारमा सुनको मूल्य घट्दो क्रममा रहेको छ।
गत मंगलबारदेखि आरालो लागेको सुनको मूल्य शुक्रबारसम्म आईपुग्दा एक सातामा प्रतितोला दुई हजार दुई सय रुपैयाँ घटेको छ।
आज छापावाल सुन प्रतितोला सात सय रुपैयाँले घटि एक लाख नौ हजार आठ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । बिहीबार छापावाल सुन प्रतितोला एक लाख १० हजार पाँच सय रुपैयाँमा कारोबार भएकोे थियो ।
यस्तै, शुक्रबार तेजाबी सुन प्रतितोला एक लाख नौ हजार तीन सय रुपैयाँमा कारोबार भइरहेको छ। हिजो उक्त सुन प्रतितोला एक लाख नौ हजार नौ सय ५० रुपैयाँमा कारोबार भएको थियो।
त्यसैगरी, आज चाँदीको मूल्य पनि घटेको छ। आज चाँदी प्रतितोला प्रतितोला २५ रुपैयाँले घटेर १३ सय ३५ रुपैयाँमा कारोबार भइरहेको महासंघले जनाएको छ।
