काठमाडौं । काठमाडौं महानगरपालिकाको शैक्षिक मामिला सल्लाहकार रेशु अर्यालले पदबाट राजीनामा दिएकी छन् ।
कामपा प्रमुख बालेन शाहका पछिल्ला गतिविधिप्रति असहमति जनाउँदै उनले राजीनामा दिएकी हुन् ।
बुधबार एक वक्तव्य वक्तव्य जारी गर्दै उनले महानगरप्रमुख शाहका पछिल्ला एक्सन, निर्णय प्रक्रियालगायतका विषयमा असहमति जनाएर राजीनामा दिएको बताएकी छन् ।
महानगर प्रमुख भएलगत्तै बालेनबाट शैक्षिक मामिला सल्लाहकारमा नियुक्त भएकी उनले आफ्नो मर्म र भावनाविपरीतका शैक्षिक निर्णयहरु भएको भन्दै राजीनामा दिएको वक्तव्यमा उल्लेख गरेकी छन् । यद्यपि अर्यालले कुन कुन निर्णय र के के कदमबारेमा आफ्नो विमति हो त्यसबारे केही खुलाएकी छैनन् ।
