रोमः इटालीका पूर्व प्रधानमन्त्री सिल्भियो बर्लुस्कोनीको ८६ वर्षको उमेरमा निधन भएको छ । उहाँको उपचारका क्रममा मिलानको सान राफेल अस्पतालमा निधन भएको हो ।
उहाँ ल्युकेमिया नामको रक्त क्यान्सर रोगबाट ग्रसित हुनुहुन्थ्यो । स्वास्थ्य परीक्षणका लागि उहाँलाई शुक्रबार अस्पताल भर्ना गरिएको अस्पतालले जनाएको छ ।
इटालीमा चार पटक प्रधानमन्त्री प्रधानमन्त्री हुनु भएका बर्लुस्कोनी निकै विवादित हुनु भएको थियो । उहाँमाथि याैन सम्बन्ध र भ्रष्टाचारका आरोपहरू लागेका थिए । सन् १९९४ मा पहिलो पटक प्रधानमन्त्री हुनु भएका उहाँले सन् २०११ सम्म पटक पटक गरी चार पटक इटालीको शक्तिशाली पद प्रधानमन्त्री बन्नु भएको थियो ।
मिडियामा विशाल लगानी गरेका अर्वपति व्यापारी बर्लुस्कोनीले मिडियाकै आडमा आफूलाइ शक्तिको केन्द्रमा राख्न सफल भएको मानिन्छ । कुनै समय उनले इटालीको चर्चित फुटबल क्लब एसी मिलानको स्वामित्व सन् १९८६ मा पनि खरिद गरेका थिए जुनबेला एसी मिलान टाट पल्टिने अवस्थामा पुगेको थियो ।
विविसीका अनुसार, बर्लाेस्कोनीको छायाँको वरिपरि इटालीको राजनीति, संसद, मिडिया, फुटबल र आम जनताको मनोभाव घुमेको थियो । इटालीका प्रधानमन्त्री जर्जिया मेलोनीले बर्लोस्कोनीजस्ता साहसी व्यक्तिको अभाव इटालीलाइ रहिरहने बताइन् । इटालीले एक अभिभावक, साहसी र प्रखर व्यक्ति गुमाएको उनको भनाइ छ । एएफपी
