रुकुम पश्चिम । रुकुम पश्चिमको बाँफिकोट गाउँपालिका ८ दुलीमा जिप दुर्घटना भएको छ ।
जिप दुर्घटनामा परि १४ जना घाइते भएका छन् । जिल्ला प्रहरी कार्यालय रुकुम पश्चिमको अनुसार घाइतेमध्ये पाँच जनाको अवस्था गम्भिर रहेको छ ।
सानीभेरी गाउँपालिका-३ घ्युढुंगाबाट मुसिकोटतर्फ जाँदै गरेको लु १ ज १७४७ नम्बरको जिप आज बिहान दुर्घटना भएको थियो । १५ जना सवार जिप सडकबाट करिब ३ सय मिटर तल खसेको छ ।
घाइतेहरुलाई उद्धारको काम जारी छ । गम्भीर घाइते भएकाहरुलाई हेलिकोप्टरबाट बाँकेको कोहलपुर लैजाने तयारी गरिएको प्रहरीले जानकारी दिए ।
