काठमाडौँ । नेपाली कांग्रेसका नेता डा शेखर कोइरालाले नेपाली कांग्रेसले अबदेखि हुने हरेक चुनाव एक्लै लड्नुपर्ने बताउनुभएको छ ।
बुधबार प्रजातान्त्रिक विचार समाजको २५औँ साधारणसभामा उहाँले वर्तमान निर्वाचन पद्धतिले विकृति बढाएको बताउनुभयो । उहाँले अहिलेको निर्वाचन पद्धतिलाई परिवर्तन गरी समानुपातिक प्रणाली हटाउनुपर्ने धारणा राख्नुभयो ।
पछिल्ला दिनहरुमा राजनीतिक दल र नेताहरुप्रति सर्वसाधारणको धारणा नकारात्मक रहेको भन्दै नेता कोइरालाले नेताहरु सच्चिनुपर्ने बताउनुभयो ।
नक्कली भुटानी शरणार्थी प्रकरणमा दोषीहरुलाई कुनै पनि बहानामा चोख्याउन नहुने उहाँको भनाइ थियो ।
