काठमाडौँ । नेपाली कांग्रेसका प्रवक्ता नक्कली भुटानी शरणार्थी प्रकरणमा पक्राउ पर्नुभएका पार्टी केन्द्रीय सदस्य बालकृष्ण खाणले आफूलाई निर्दोष प्रमाणित गर्छु भन्नुभएको बताउनुभएको छ ।
मंगलबार आयोजित पत्रकार सम्मेलनमा डा महतले खाणले आफूलाई निर्दोष प्रमाणित गर्छु भनिरहेकाले पार्टीले उहाँलाई निलम्बन नगरेको बताउनुभयो ।
पूर्वगृहमन्त्रीसमेत रहनुभएका नेता खाण उक्त प्रकरणमा मुछिएर पक्राउ परेपछि पार्टीभित्र उहाँलाई निलम्बन गर्नुपर्ने माग भइरहेको बेला पार्टीले उहाँलाई निलम्बन नगर्नुपर्ने कारणबारे धारणा सार्वजनिक गरेको हो ।
“निर्दोष रहेको उहाँले भनिरहकाले उहाँलाई निलम्बन नगरिएको हो”, प्रवक्ता महतले भन्नुभयो, “यसबारे अनुसन्धान परिपक्क र स्वतन्त्र हुनुपर्छ, कांग्रेसले पनि अनुसन्धानमा सहयोग गर्छ ।”
नक्कली भुटानी शरणार्थी प्रकरणमा गिरोहसँग लेनदेन गरेको आरोप लागेपछि खाणलाई गत वैशाख २७ गते प्रहरीले पक्राउ गरी अनुसन्धान गरिरहेको छ ।
