तनहुँ । तनहुँ १ मा हुने उपनिर्वाचनका लागि नेपाली कांग्रेसका तर्फबाट गोविन्द भट्टराईले मनोनयन दर्ता गरेका छन् ।
उनको प्रस्तावकमा श्यामकुमार मौराती र समर्थकमा सरिता गुरुङ रहेका छन् ।
मनोनयन दर्तामा भट्टराईसँगै नेकपा माओवादी केन्द्रका नेता हरिबहादुर चुमान पनि उपस्थित छन् ।
१० वैशाखमा हुने निर्वाचनका लागि निर्वाचन आयोगले आज ५ बजेसम्म मनोनयनको समय तोकेको छ ।
यसै क्षेत्रमा नेकपा एमालेबाट सर्वेन्द्र खनालले मनोनयन दर्ता गराइसकेका छन् भने राष्ट्रिय स्वतन्त्र पार्टी (रास्वपा)बाट स्वर्णिम वाग्लेले पनि मनोनयन दर्ता गराउँदैछन् ।
